بولبول ئه‌ی یاره‌که‌ی دێرین
خونچیلانه‌ی دندووک زێڕین

هاوفه‌ردی زووم بۆ هه‌ژاری
هاوڕێی پێشووم له‌ دڵداری

وه‌بیرت دێ پایزی پار !
ڕه‌شپۆشیی ده‌شت و زه‌ردیی دار

گژه‌ و گڤه‌ت له‌ با دیبوو !
هه‌وای پێش ته‌رمی شادی بوو

ده‌یدا خشپه‌ی گه‌ڵاڕێزان
خه‌به‌ری مه‌رگی ئازیزان

به‌ژن و باڵای نێرگزی مه‌ست
له‌ گێره‌ی گزره‌دا پێ په‌ست

سوێسنه‌ و مێلاقه‌ی زه‌رد و سوور
بوونه‌ ده‌سته‌چیله‌ی ته‌ندوور

کلوه‌ به‌فری درشت و ورد
چۆن سه‌ر زه‌وی کفن ده‌کرد !

کوونده‌ بوومه ‌، قه‌لی ڕووڕه‌ش
که‌له‌پووریان ده‌کردن به‌ش

من و تۆ برسی و بێ په‌سیو
له‌ کونجێ خزیو، بێ بژیو

ده‌گریاین به‌ بانگ و هاوار
بۆ خونچه‌، بۆ گول ، بۆ به‌هار

ماموستا هه ژار

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: