سنه‌- خه‌ڵاتی ئه‌ده‌بیي مه‌وله‌وی بۆ شيعری کوردی به‌ خوێندنه‌وه‌ی به‌شێک له‌ 100 به‌رهه‌می شيعری هه‌ڵبژێردراو ڕۆژی شه‌ممه‌ 26ی مه‌ی/6ی جۆزه‌ردان،یه‌که‌م ڕۆژی کاره‌کانی خۆی تێپه‌ڕاند.

 به‌پێی هه‌واڵی کوردپرێس، ئه‌م فێستیڤاڵه‌ که‌ به‌ به‌شداری 300 شاعیری کورد له‌ 4 پارێزگای کوردنشینی ئێران له‌ سنه‌ به‌ڕێوه چوو یه‌کشه‌ممه ‌به‌ به‌خشینی خه‌ڵاتی تایبه‌ت کۆتایی به‌ کاره كانی خۆی هێنا.

به‌رپرسی ئه‌نجومه‌نی ئه‌ده‌بیي مه‌وله‌وی له‌ یه‌که‌م ڕۆژی شيعرخوێندنه‌وه‌، وێڕای به‌خیرهێنانی میوانان ڕایگه‌یاند: ئه‌م فێستیڤاڵه‌  سێ ساڵ کاری بۆ کراوه‌ و به‌ڕێوه‌چوونه‌که‌ی له به ر‌ هه‌ندێ هۆکار دوا خراوه‌.

خالید ئه‌مانی ڕاشیگه‌یاند: کۆ‌ڕی شيعرخوێندنه‌وه‌ به‌ هه‌ڵبژاردنی 100 به‌رهه‌می شيعری شیاوی خوێندنه‌وه‌ له‌ 900 به‌رهه‌می گه‌یشتوو به  فێستیڤاڵه‌ که یه‌که‌م قۆناغی داوه‌ریی خۆی تێپه‌ڕاندووه‌ و له‌ هه‌مان کاتیشدا 30 کتێب له‌لایه‌ن شاعیرانی کورده وه  ئاراسته‌ی ئه‌م فێستیڤاڵه‌ کراوه‌ که‌ 5 به‌رهه‌میان تایبه‌ت به‌ ئه‌ده‌بی منداڵانه .

زیادیشی کرد: فه رمانگه ‌ی ئیرشاد نه‌ ته‌نیا به‌رگریی له‌ هه‌ڵبژاردنی به‌رهه‌مه‌کان نه‌کردووه‌ و ده‌ستێوه‌ردانی نه‌بووه‌ له‌مباره‌وه‌، به‌ڵکوو ئاسانکاری باشیشی بۆ کردووین و هیوادارین به‌پێی به‌ڵێنه‌کان ساڵانی داهاتوو ئه‌م فێستیڤاڵه‌ ره‌نگاڵه‌تر به‌ڕێوه‌بچێت.

خالید ئه‌مانی ئاشکرایشیکرد: فه‌ریاد شیری، جه‌لال مه‌لکشا‌، ئه‌مین گه‌ردیگلانی و کولسووم عوسمانپوور و عه‌لیره‌زا خانی داوه‌رانی ئه‌م خوله‌ له‌ خه‌ڵاتی ئه‌ده‌بی مه‌وله‌وی بۆ شێعری کوردیيان له‌ ئه‌ستۆ گرتووه‌.

فێستیڤاڵی خه‌ڵاتی ئه‌ده‌بیي مه‌وله‌وی  له‌لایه‌ن ئه‌نجومه‌نی ئه‌ده‌بی مه‌وله‌وی شاری سنه‌ و به‌ هاوکاری فه رمانگه‌ی فه‌رهه‌نگ و ئیرشادی ئیسلامی پارێزگای کوردستانه وه‌ به‌رێوه‌ده‌برێت.

شیاوی ئاماژه‌یه‌ ناوه‌ندی که‌لتووری ئه‌ده‌بیی مه‌وله‌وی کورد له‌ شاری سنه‌‌ ساڵی 1371 دامه‌زراوه‌ و له‌ ڕێگای به‌ڕێوه‌بردنی فێرگه‌ و فێستیڤاڵ و کۆری شێعرخوێندنه‌وه‌ و بڵاوکردنه‌وه‌ی گۆڤاری ئه‌ده‌بی چالاکی فراوانی بووه‌ له‌ گه‌شه‌سه‌ندنی ئه‌ده‌بی کوردی له‌م ده‌ڤه‌ره‌.

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: